Hér að neðan má finna nokkur verkfæri til að styðja við nám í grunnreikniaðgerðum. Nálgunin byggir á rannsóknum í stærðfræðimenntun og hugmyndinni um hlítarnám (e. mastery learning), þar sem farið er í þyngri færni aðeins þegar grunnurinn sem hún byggir á er traustur.
Matið byrjar á grunninum, eða þar sem síðasta mat endaði, og lagar sig að svörunum. Það sýnir stöðuna á forkröfukortinu, með tillögum um hvar á að byrja og hvaða villur endurtaka sig. Skýrsluna má prenta og bera saman við fyrri möt. Engin klukka og ekkert vistað á netþjóni.
Byrja stöðumat →Hverri lotu lýkur með spurningum til að spjalla um saman. Blöð til útprentunar fylgja.
Velja æfingu →Reikningur skipar stóran hluta þess stærðfræðináms sem kennt er í grunnskóla (ásamt algebru, tölfræði og líkindafræði, og rúmfræði og mælingum).
Til grundvallar er forkröfukort þar sem færni í reikningi er brotin niður í þætti og greint hvað byggir á hverju. Stöðumatið finnur hvar styrkleikar og veikleikar barnsins liggja á kortinu, og bendir á þá þætti sem hentar að æfa næst.
Dæmin í stöðumatinu koma úr dæmasafni. Hver gerð dæma býr til ný dæmi og reiknar út hvaða röng svör algengar villur gefa, svo rangt svar segir eitthvað um hugsun barnsins.
Í margföldunartöflunni má leiða flestar staðreyndir af öðrum sem barnið kann. Leiðakortið sýnir hve langsótt hver leið er, og hvers vegna æfingarnar mæla með röðinni 10, 2, 5, 9 og 4 sinnum. Þar sjást líka aðrar leiðir, ef önnur röð hentar barninu betur.
Hvaða færni byggir á hverju, frá sætiskerfi að margföldun fjölstafa talna og brotum. Hver þáttur með skýringu, þekktum villum og hlítarviðmiði.
Skoða kortið →Hvernig dæmin í stöðumatinu verða til, hvaða villur hvert þeirra greinir og hve vel hver villa er studd rannsóknum.
Skoða dæmasafnið →Hvernig leiða má hverja staðreynd töflunnar af öðrum, hve langsótt hver leið er, og í hvaða röð borgar sig að læra töflurnar.
Skoða leiðakortið →